I. Skipting lottótekna UMSS:
1. 5% til Afrekssjóðs UMSS,
2. 25% til UMSS,
3. 70% til aðildarfélaga UMSS skv. eftirfarandi skiptingu;
II. Forsenda úthlutunar lottótekna til aðildarfélaga UMSS:
- 20% eftir mætingu á ársþing í hlutfalli við heildarfjölda mættra þingfulltrúa
- 60% er skipt eftir iðkenda fjölda samkvæmt sérstakri reglu.
- 20% er skipt eftir félagsmannafjölda samkvæmt sérstakri reglu.
III. Regla vegna jafnrar skiptingar milli sambandsaðila:
20% deilist á aðildarfélög eftir mætingu á ársþing UMSS í hlutfalli við heildarfjölda mættra þingfulltrúa. Fulltrúi þarf að vera mættur við afgreiðslu kjörbréfa og sitja þingið fram yfir kosningar.
Formannafundur: Sendi félag ekki fulltrúa á annan af tveim formannafundum UMSS skerðir það úthlutunarfé þess félags um 25% við næstu úthlutun en hefur ekki áhrif á úthlutanir eftir það. Skerðingar samkvæmt þessari grein renna til UMSS.
IV. Regla vegna iðkendafjölda:
Félög og deildir skulu skrá iðkendur rafrænt í skráningarkerfið ABLER hjá ÍSÍ og UMFÍ. Iðkendatölur 0-18 ára skulu notaðar til að ákvarða skiptingu samkvæmt iðkendafjölda.
V. Regla vegna félagsmannafjölda:
Skráðir félagsmenn 18 ára og yngri er notað til grundvallar lottóúthlutunar og er reiknað út einu sinni á ári og skal miðast við félagskrá sambandsaðila 31. desember ár hvert eins og fram kemur í ABLER, skráningarkerfi ÍSÍ og UMFÍ.
VI. Aðrar forsendur fyrir úthlutun sambandsaðila:
Starfi sambandsaðili ekki samkvæmt lögum UMSS kemur hann ekki til greina við úthlutun. Stjórn UMSS skal taka tillit til hvort haldinn hafi verið aðalfundur og hvort starfsskýrslu og ársskýrslu hafi verið skilað til UMSS. Starfsskýrslu og ársskýrslu skal skilað eigi síðar en í lok febrúar ár hvert. Uppfylli sambandsaðili ekki þessi skilyrði skal UMSS frysta greiðslur til viðkomandi. Greiðsla sem hefur verið fryst í tvö ár rennur í rekstrarsjóð UMSS og er óafturkræf. Forsendur í lottóúthlutun skal miða við 31. desember ár hvert, þ.e. iðkendatölu og félagatal eins og hún er skráð fyrir undangengið ár í ABLER.
VII. Nýir sambandsaðilar.
Ný aðildarfélög UMSS fá fyrst úthlutað lottófé skv. reglugerð þessari eftir að öllum ofangreindum skilyrðum hefur verið fullnægt og eftir samþykki á næsta sambandsþingi eftir inngöngu.
VIII. Um úthlutun.
Úthluta skal öllum lottótekjum sem berast UMSS ársfjórðungslega. Greiðsla skal berast aðildarfélögum og deildum fyrir lok apríl, júlí, október og janúar fyrir næsta ársfjórðung á undan. Með hverri greiðslu skal fylgja skilagrein sem sýni forsendur fyrir úthlutun.
Samþykkt á 106. Ársþingi UMSS 20. apríl 2026
