Búið er að opna fyrir skráningu á Unglinglandsmót 2026

Skráning er hafin! á Unglingalandsmót 2026 sem verður á Sauðárkróki um verslunarmannahelgina.

Þátttakendur UMSS greiða eitt þátttökugjald, 5.000 kr. óháð því hvað þeir taka þátt í mörgum keppnisgreinum. Gjaldið þarf að greiða rafrænt við skráningu á mótið. Aðeins er greitt fyrir þátttakendur 11 – 18 ára. Frítt er fyrir systkini og foreldra. 

Eftir að skráningarfresti lýkur verður ekki hægt að skrá sig rafrænt né tryggja þátttöku í öllum greinum. Hins vegar munum UMFÍ reyna að gera sitt besta til að allir geti tekið þátt. Ef þið lendið í vandræðum sendið póst á umfi@umfi.is.

Við hvetjum því þátttakendur til þess að skrá sig tímanlega.

Skráningafrestur er til 26. júlí.

Skráning í greinar

Þegar þú ert búin/n að skrá þátttakanda á mótið í Abler, þá ættirðu að fá tölvupóst með hlekk á. Hlekkurinn vísar á skráningu í greinar. Ef þú hefur ekki fengið hlekkinn eða vilt fara beint á skráningarsíðuna í gegnum appið þá þarftu að fara þessa leið:   

• Opnaðu Abler–appið.
• Farðu inn á prófílinn þinn.
• Smelltu á hnappinn: „Verslanir og markaðstorg“.
• Veldu „Markaðstorg“.
• Veldu „Ungmennafélag Íslands“.
• Ýttu á upphafsstafi/prófílmynd þína (efst í hægra horninu).
• Farðu í „Skráningar“.
• Finndu Unglingalandsmótið og ýttu á „Sjá meira“.

Nú ættir þú að geta skráð þig og þína í greinar og/eða skoðað þær sem þú eða þátttakandinn er þegar skráð/ur í.

Ef þið hafið spurningar þá finnið þið líklega svör við þeim hér, annars hafið þið samband á netfangið umfi@umfi.is