Íþróttamaður ársins 2025

Þann 5. janúar nk. mun Ungmennasamband Skagafjarðar (UMSS) og sveitarfélagið Skagafjörður halda okkar árlegu hátíðarsamkomu þar sem tilkynnt verður hver hlýtur kosningu íþróttamanns ársins, lið ársins og þjálfara ársins 2025. Á þessari hátíðarsamkomu er öllum þeim sem eru tilnefnir af sínum íþróttafélögum boðaðir og þeim veitt viðurkenningar en einnig fá krakkarnir okkar sem hafa verið tilnefnd til Hvatningarverðlauna UMSS sínar viðurkenningar.

Í ár eru sex íþróttamenn tilnefndir til Íþróttamanns ársins 2025. Það eru þau; Anna Karen Hjartardóttir golf í Golfklúbbi Skagafjarðar, David Bercedo knattspyrna UMF Tindastól, Emma Katrín Helgadóttir badminton UMF Tindastól, Freyr Hugi Herbergsson júdó UMF Tindastóll, Sigtryggur Arnar Björnsson körfuknattleikur í UMF Tindastól og Þórgunnur Þórarinsdóttir hestar Hestamannafélagið Skagfirðingur.

Þeir sem kjósa íþróttamenn, lið og þjálfara eru fimm aðilar í stjórn UMSS, þrír fulltrúar frá félags- og tómstundarnefnd Sveitarfélagsins Skagafjarðar, ritstjóri fréttablaðsins Feykis og forstöðumaður frístunda og íþróttamála í Skagafirði.

Kosið er um þrjú efstu sætin, fyrsta (1.) sæti gefur 10 stig, annað sæti (2.) gefur 7 stig og þriðja (3.) sæti gefur 5 stig.

Til þjálfara ársins er val um fimm tilnefningar; Annika Líf Maríudóttir Noack UMF Tindastóll júdódeild, Atli Freyr Rafnsson Golfklúbbur Skagafjarðar, Júlíus Helgi Bjarnason Pílukastfélag Skagafjarðar, Konráð Freyr Sigurðsson UMF Tindastóll knattspyrnudeild  og Unnur Rún Sigurpálsdóttir Hestamannafélaginu Skagfirðing.

Í ár eru fjögur lið tilnefnd til lið ársins;  lið Syðra Skörðugils (Hestamannafélagið Skagfirðingur), Karlasveit GSS (Golfklúbbur Skagafjarðar), meistaraflokkur kk. í knattspyrnu (UMF Tindastóll) og meistaraflokkur kk. í körfuknattleik (UMF Tindastóll).

Öllum aðildarfélögum og deildum innan UMSS er einnig heimilt að tilnefna einn pilt og eina stúlku sem hlýtur Hvatningarverðlaun UMSS. Tilnefningin skal veitt þeim íþróttamanni sem er áhugasamur, með góða ástundun, sýnir góða hegðun innan vallar sem utan, er góður félagi og telst vera góð fyrirmynd annarra unglinga.

Til Hvatningarverðlauna UMSS árið 2025 eru eftirtaldir sautján aðilar tilnefndir:

1. Anna Lára Halldórsdóttir             Ungmennafélagið Tindastóll Frjálsíþróttadeild
2. Arnar Orrason                               Ungmennafélagið Neisti
3. Auðunn Ármann Sindrason         Ungmennafélagið Tindastóll Frjálsíþróttadeild
4. Brynjar Morgan Brynjarsson       Golfklúbbur Skagafjarðar
5. Friðrik Henrý Árnason                 Pílukastfélag Skagafjarðar
6. Friðrik Logi H. Knútsson              Ungmenna- og Íþróttafélagið Smári
7. Hallur Atli Helgason                    Ungmennafélagið Tindastóll Körfuknattleiksdeild
8. Hrafney Lea Árnadóttir               Ungmennafélagið Tindastóll Knattspyrnudeild
9. Jóhanna María Grétarsdóttir Noack         Ungmennafélagið Tindastóll Júdódeild
10. María Hrönn Helgadóttir             Ungmennafélagið Tindastóll Körfuknattleiksdeild
11. Nína Júlía Þórðardóttir                Pílukastfélag Skagafjarðar
12. Sigríður Elva Elvarsdóttir            Hestamannafélagið Skagfirðingur
13. Sigrún Sóllilja Eyþórsdóttir         Hestamannafélagið Skagfirðingur
14. Sigrún Sunna Reynisdóttir           Hestamannafélagið Skagfirðingur
15. Sigurbjörg Inga Sigfúsdóttir        Ungmenna- og Íþróttafélagið Smári
16. Styrmir Snær Rúnarsson              Ungmennafélagið Tindastóll Knattspyrnudeild
17. Víkingur Týr Thorlacius                Ungmennafélagið Tindastóll Badmintondeild

Hátíðarsamkoman Íþróttamaður ársins 2025 mun fara fram þann 5.janúar nk. í Félagsheimilinu Ljósheimum kl. 20:00. 

Á hátíðarsamkomunni verður einnig veittar viðurkenningar fyrir landsliðsfólk UMSS og styrkir úr Afrekssjóði UMSS, auk þess mun Ungmennafélagið Tindastóll tilkynna Íþróttamann Tindastóls 2025.

Thelma Knútsdóttir
framkvæmdastjóri UMSS